البوريك الخالى من الجلوتين

هذا المقدار يكفى لعمل من 25-30 قطعة بوريك حسب الحجم





المقادير:

1cup دقيق ارز ابيض ناعم
½ cup دقيق تابيوكا
¼ cup دقيق الارز اللزق
¼ cup نشا ذرة
¼ cup سمن ( وممكن نخلط سمن على زيت )
1 م ص بيكنج باودر
½ م ص ملح
2 م ص صمغ الزانثان
3 بيضة ( نستخدم ½ 2 بيضة فى العجينة و½ بيضة لدهان الوجه )
½ م ص فانيليا
سمسم او حبة البركة للتجميل

خليط الخميرة:

½ cup لبن حليب دافئ
1 م ك سكر
½ 1 م ص خميرة فورية

الحشو :

جبنة بيضاء مهروسه بالنعناع
او عجوة مخلوطة مع قليل من السمسم و القرفة

الطريقة:

تذاب الخمبرة و السكر فى اللبن الدافئ و تغطى و تترك 10 دقائق
ينخل الدقيق كله مع البيكنج باودر و الزانثان و الملح
تضرب السمن مع البيض و الفانيليا جيدا بمضرب سلك
يضاف خليط الخميرة على خليط السمن و البيض و يضرب جيدا
تعمل حفرة فى وسط الدقيق و يصب فيها الخليط السابق و تقلب بملعقة خشب حتى تتجانس كل المقادير جيدا
تغطى بفوطة مندية وتترك فى مكان دافئ لمدة 30 دقيقة لتخمر
يرش دقيق ارز على الرخامة و نضع نصف مقدار العجينة و يرش فوقها قليل من دقيق الارز

[img] [/img]

تفرد بالنشابة و تقطع دوائر بالقطاعة


[img] [/img]

نأخذ كل دائرة و نضع الحشو فى النصف ثم تبلل الاطراف بالماء و تقفل و يضغط عليها جيدا حتى لا يخرج الحشو و تجمل بضغط الشوكة على الاطراف
تكرر نفس الحطوات السابقة مع الجزء الثانى المتبقى من العجينة





ترص القطع فى صاج الخبز
تضرب نصف البيضة المتبقية مع ا م ك لبن حليب و ذرة فانيليا و يدهن بها سطح البوريك

[img] [/img]


يجمل الوجه بالسمسم او حبة البركة فى حالة حشوها بالجبنة و بالسمسم او بدون فى حالة حشوها بالعجوة
توضع فى فرن حامى جدا سبق تسخينه لمدة 10 دقائق او حتى تحمر و تقدم ساخنة

و بالهنا و الشفا

يا جماله يا جماله
تسلم الايادى يا منونة

رائع تصوير الخطوات
مجهود مشكور و مأجور إن شاء الله
يا غاليتى

اعتقد القطايف بنفس الطريقة .. صح؟

ناقصنى بس الزانتان و اقدر أجرب باقى وصفاتك إن شاء الله
مرضى السيلياك هنا مش محتاجين يخبزوا .. حاجات كتير
بتتباع جاهزة و اللى بيخبز بيستعمل طحين السيليوم
عشان كده مش عارفة أشترى زنتان .. هدور على النت

تسلمى يا ورد فى ناس بتقول ان ممكن نستعمل الجيلاتين بدل الزانثان بس انا مجربتش الحقيقة

القطايف عجينة تانية يا ورد انا بحاول انزل اكبر قدر قبل رمضان ربنا يسهل

الله يعينك و يبارك فى وقتك و صحتك يا حبيبتى
الجيلاتين موجود هنا فى كللللل المحلات بس من الخنزير
هشوف لو يئست خالص هبعت أجيب زانتان من مصر

طيب جربى يا ورد وصفة الباباز مفيهاش زانثان

حاضر الويك إند الجاى إن شاء الله على طول
على ما اكون شفت قالب تورتة
امبارح جبت قطاعات و نشابة و منخل سلك
حبة حبة كدة لغاية ما البنية التحتية للمخبوزات تكتمل عندى
هههههه
بس هى القطاعات البلاستيك كويسة زى المعدن؟
عندى إحساس إنها هتلزق فى العجين

يا ورد مفيش مشكلة فى القطاعات البلاستيك لو حسيتى انها حتلزق حطيها فى شوية دقيق كل شوية و انتى بتقطعى

يا ه ه ه ه ه ه ه ه ه ه ه ه ه ه ه ه ه ه ه

فكرتينى بحاجات من زمان نن ن ن ماكلتهاش من سنيييين معقوله انا هاعمل بوريك بالعجوه والجبنه فكرتينى بناس عزيزه عليه ااوى


ربنا يبارليك ويجعليك فى كل خطوه نور من عند ربنا

منونه انا بعاير بكوبيات شريها عباره عن اربع كوبيات استلس ربع وتلت ونص وكوب وانا بتخل الدقيق فى المنخل الحرير وبعدين اعايير منه فى كل الحاجات فهل انا كده صح



وعايزه اعرف منك انتى بتشترى دقيق التبيوكا والارز اللزج منيين

حور لو انتى بتنخلى كمية الدقيق اللى طحنتيها بالمنخل الحرير مرة واحدة و بعد كدة تخزنيها بعد كدة لما تيجى تستعمليه فى اى وصفة عايريه الاول و انخليه بمنخل سلك عادى عشان الهوا يدخل فيه مش اكتر

لازم تجربى البوريك دة يا حور و الله انا الولاد عندى بيحبوه اوى

انا بشترى التابيوكا من سوبر ماركت رويال هاوس اللى عند الميريلاند اما الارز اللزق اختى بتيجبهولى من الامارات بس كان فيه اخ معانا على الجروب كان بيقول انه موجود هنا لو عايزة ادورلك على نمرة تليفون المستورد

منونه انا هاعمل نص الكميه ديه علشان المقدار ده كبير عليه انا وبنتى

هاينفع صح يا منونه

اليلى بتشرى دقيق التبيوكا بكام من رويال هاوس

مفيش مشكلة يا حور لو عايزة تعملى نصف المقدار اقسمى المقادير كلها و ممكن تعملى المقدار كامل و تحطيه فى اكياس محكمة فى الفريزر و سخنيه فى المايكروويف

انا بشترى التبيوكا بحوالى 9.75 بيبقى نصف كيلو تقريبا

بجد شكله فى منتهى الروعة ما شاء الله تبارك الله أنا مش مصدقة أد اىة انتى ماهرة و بفضل الله و منه أن أنا عرفت كل الوصفات دىة. تسلمى و ىا رب ىسعدك و ىسعد أىامك بجد عمرى ما كنت أتخىل أنى هعمل بورىك فى ىوم من الأىام أن شاء الله قرىب جدا سوف أعمله و أصورك الصور

تسلمى يا جرين و ربنا يكرمك على الدعاء و يتقبل منك اللهم امين و الحمد لله كل دة توفيق من ربنا سبحانه و تعالى و ان شاء الله كل الاكلات اللى ولادنا نفسهم فيها حنقدر نعملها خالية من الجلوتين بس دعواتك معايا عشان بحاول اظبط و اطلع افضل النتائج للباف بيسترى و الله المستعان
و ان شاء الله تعملى البوريك قريب و تطمنينى

انا جربته وطلع تحفه وعجب ينتى اوى اوى والمره الجايه هجرب حشوات مختلفه



رمضان كريم عليكى يا منونه فرحت اوى لما عجبها

بالهنا و الشفا يا حور و ربنا يفرح قلبك انا بابقى سعيدة لما حد يجرب وصفة و تنجح معاه