عيش التورتيلا الخالى من الجلوتين

هذا المقدار يكفى لعمل 4 تورتيلا وسط





المقادير:

½ cup دقيق ذرة ناعم
¼ cup دقيق الارز اللصق
¼ cup دقيق تابيوكا و نشا بطاطس بالتساوى
1 م ص صمغ الزانثان
1 م ص بيكنج باودر
ا م ص زيت ( اى نوع )
¼ م ص ملح
¾ cup لبن حليب ساخن

الطريقة:

ينخل الدقيق مع الملح و البيكنج باودر و صمغ الزانثان
تضاف ملعقة الزيت و يقلب الخليط بملعقة خشب جيدا
يضاف اللبن الساخن و يقلب جيدا بالملعق حتى يتجانس كل الخليط
يغطى و يترك لمدة 15 دقيقة
تقسم الى 4 كور
يرش دقيق ذرة على الرخامة و توضع كورة العجين و ترش بالدقيق
تفرد بالنشابة (او المردانة) حتر تكون رقيقة
تسخن طاسه تيفال جيدا على النار ثم توضع التورتيلا حتى تحمر قليلا و تقلب حتى تحمر
توضع على فوطة جافة و تغطى حتى تبرد ثم تحفظ مغلفة فى الفريزر لحين الاستعمال

و بالهنا و الشفا

معجبة جدا بوصفاتك يا شيف منونة
بس لازم صمغ زانتان هنا؟ و لا جربتيها من غير

انا بصراحة عملت التورتيلا دى بييجى اكتر من خمس طرق و كل واحدة بيبقى فى اختلاف عن التانية و حنزل ان شاء الله الطرق التانية
ممكن يا ورد متحطيش زانثان و حتبقى حلوة بس اعملى كمية صغيرة للاكل علطول

ايه الحلاوه ديه بصراحه لما بشوف صوره الحاجه ببقى مبهوره الله عليه

شكله جميل اوىى مانحمش منك يا منونه

انتى قصدك ربع كوب نشا بطاطس وربع كوب نشا تبيوكا والا الاتنيين مع بعض ربع

وطبعا ها حط بدل اللبن الساخن ماء ساخن

الاتنين مع بعض يعملوا ربع كاب يا حور و فعلا بدل اللبن استعملى ماء ساخن

منونه مش احنا ممكم نستعمله زى الرقاق ونحط لمه مفرومه وندخله الفرن

بصى يا حور انا كنت لسه بجهز وصفة الرقاق عشان انزلها يا ريت تبصى عليها حنزلها علطول

الله يحميكي يا منونة
انا عضوة جديدة ارجوا الافادة
العجينة هنا تكون متماسكة او لزجة شوية؟

اهلا بيكى يا شيماء نورتى المنتدى هى العجينة بتبقى لزجة زى ما شرحتلك فى الرسالة

شكرا جزيلا لك لمجهودك وعلى هذا المنتدى
أنا ماعندي نشا بطاطس
بايش ممكن استبدله ؟
وشكرا