كيك بالزبيب خالى من الجلوتين

* هذا المقدار يكفى لعمل 2 قالب كيك متوسط
* يمكن حفظها فى الفريزر فى علبة محكمة لحين الاستعمال





المقادير:

2 cup دقيق ذرة
2 cup دقيق ارز
3/4 cup سمن او زيت
2 cup سكر
6 بيضات
ذرة ملح
1 م ص فانيليا
2 م ص بيكنج باودر
100 جرام زبيب ( ينقع الزبيب لمدة 10 دقائق فى الماء ثم يصفى و يترك ليجف)
1/2 cup لبن

الطريقة:
يضرب السمن مع السكر جيدا
يضاف البيض و الفانيليا و يضرب جيدا حتى يبيض الخليط
يضاف الدقيق المنخول مع البيكنج باودر و الملح تدريجيا بالتبادل مع اللبن مع الضرب حتى ينتهى المقدار
يدهن قوالب الكيك بالسمن و يصب فيها خليط الكيك
يوضع الزبيب على الوجه و يغرز بالسكينة قليلا
تخبز فى فرن متوسط الحرارة سابق التسخين حتى تنضج
تترك لتبرد ثم تقدم

و بالهنا و الشفا

ما شاء الله يا منونة
ده انتى مش مخلية نفسنا فى حاجة خاااااالص
تسلم الأيادى يا حبوبة

تسلمى يا منونه وشكرا على الصوره

بالهنا والشفا انا عايزة اخلص بسرعة عشان الحق انزل وصفات العيد كل سنة و انتم طيبين

و انتى طيبة و متهنية يا حبى

بصراحه شكلها جميل اوووووووووووى انا مستنيه وصفات العيد وكمان ياريت اعرف حل لتحبيب دقيق الارز واعرف كمان اعمل العيش وكمان اعرف عيش التورتيلا وبكده اكون عرفت اعمل كل الى نفسى فيه انا هاستنى الفانوس السحرى

حور العين
لو دقيق الارز ناعم اوى مش حيحبب خالص لو النوع اللى بتستعمليه خشن شوية حاولى تنخليه بمنخل حرير و خدى الناعم استعمليه فى المخبوزات و الخشن استعمليه فى البسبوسة
اما التورتيلا حانزلك وصفته حاضر

متشكره يا حبيبتى على ذوقك

العفو يا حور انتى تأمرى