خالي من الجلوتين السلياك وحساسية القمح فى مصر Celiac gluten free Egypt
أهلا وسهلا! سعداء جدا بزيارتك!

خالي من الجلوتين السلياك وحساسية القمح فى مصر Celiac gluten free Egypt

Celiac Patients' Support Group in Egypt
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 بسكويت مشكل خالى من الجلوتين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: بسكويت مشكل خالى من الجلوتين   الأحد 05 يونيو 2011, 11:56

يمكن عمل عدة انواع من هذا البسكوت اذكرها فى اخر الوصفة





المقادير :
¾ cup سمن
1/3 1 cup سكر ناعم (بودرة )
1 cup دقيق أرز ناعم
¼cup 1 دقيق ذرة
2 بيضة
½ م ص فانيليا
½م ص بيكنج باودر
ذرة ملح
1 بياض بيضة لدهان الوجه ( يضرب خفيفا بمضرب سلك مع ذرة فانيليا)

الطريقة:

تضرب السمن مع السكر جيدا
يضاف البيض و الفانيليا و يضرب
ينخل الدقيق مع البيكنج باودر و الملح ثم يضاف تدريجيا على الخليط السابق حتى تتكون عجينة متماسكة ناعمة
تغطى و تترك فى الثلاجة لمدة نصف ساعة تقريبا
تقسم العجينة اقسام لعمل انواع متعددة
تبطط العجينة باليد و تقطع بالقطاعات حسب الرغبة
يدهن البسكوت ببياض البيض و تخبز فى فرن متوسط الحرارة لمدة 15 دقيقة تقريبا او حتى يحمر الوجه قليلا

انواع البسكوت:

بسكوت بالقرفة: يخلط 1 م ص قرفة ناعمة و تعجن مع العجينة و يشكل ثم يدهن ببياض البيض
بسكوت بالينسون: يضاف 2 م ص ينسون و تعجن و يشكل ثم يدهن ببياض البيض
بسكوت بالشيكولاتة: يضاف ا م ك كاكاو و تعجن و يشكل ثم يدهن ببياض البيض
بسكوت بالسكر : يدهن الوجه ببياض البيض ثم يرش بالسكر العادى و ليس البودرة
بسكوت بالمكسرات: : يدهن الوجه ببياض البيض ثم تضاف المكسرات المجروشة يضغط عليها باليد حتى تلتصق بالعجينة
بكوت بالزبيب: تضاف كمية من الزبيب حسب الرغبة و تعجن و يشكل ثم يدهن ببياض البيض

و بالهنا و الشفا
Laughing


عدل سابقا من قبل manoona في الخميس 18 أغسطس 2011, 23:24 عدل 3 مرات
الرجوع الى أعلى الصفحة اذهب الى الأسفل
angooga
Admin


عدد المساهمات : 54
تاريخ التسجيل : 19/05/2011

مُساهمةموضوع: رد: بسكويت مشكل خالى من الجلوتين   الأحد 05 يونيو 2011, 14:04

تسلم ايديكى يا منونه وصفاتك كلها مميزه جدا والصوره تجنن
الرجوع الى أعلى الصفحة اذهب الى الأسفل
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الأحد 05 يونيو 2011, 20:13


ربنا يخليكى يا انجوجة
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: بسكويت مشكل خالى من الجلوتين   الإثنين 06 يونيو 2011, 08:02

وااااااو وااااااو وااااااو
ما شاء الله شكله تحفففففة

إن شاء الله جارى التطبيق فى أقرب فرصة
دى حاجة متتأجلش ههههههه
بوسة كبيرة يا منونة
الرجوع الى أعلى الصفحة اذهب الى الأسفل
http://gluten-free.forumegypt.net
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الإثنين 06 يونيو 2011, 18:04

البوسة وصلت خلاص فاضل التجربة
الرجوع الى أعلى الصفحة اذهب الى الأسفل
الحور العين



عدد المساهمات : 57
تاريخ التسجيل : 06/06/2011

مُساهمةموضوع: رد: بسكويت مشكل خالى من الجلوتين   الإثنين 06 يونيو 2011, 18:53

وصفه جميله اوى بس لو سمحتى ممكن استبدل السمنه بالزيت وهل هاتنجح وتكون نفس الشكل
الرجوع الى أعلى الصفحة اذهب الى الأسفل
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الإثنين 06 يونيو 2011, 22:45


ايوه طبعا يا حور العين ممكن تستعملى الكمية كلها سمن او زيت او ممكن تستعملى نصف الكمية سمن و النصف زيت المهم يكون الزيت ملهوش نكهة مميزة يعنى زيت عباد الشمس يكون افضل و ان شاء الله حيديكى نفس النتيجة و بالهنا و الشفا مقدما
الرجوع الى أعلى الصفحة اذهب الى الأسفل
الحور العين



عدد المساهمات : 57
تاريخ التسجيل : 06/06/2011

مُساهمةموضوع: رد: بسكويت مشكل خالى من الجلوتين   الثلاثاء 07 يونيو 2011, 10:32

يارب يكون نفس النتيجه احسن بنتى نفسها فى بسكوت بس المشكله عندى دايما فى دقيقه الرز المحبب بيكون زى الحب والسمنه او الزبده ادعيلى
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: بسكويت مشكل خالى من الجلوتين   الثلاثاء 07 يونيو 2011, 12:10

manoona كتب:
البوسة وصلت خلاص فاضل التجربة


إن شاء الله جارى التطبيق فى أقرب فرصة
دى حاجة متتأجلش ههههههه
الرجوع الى أعلى الصفحة اذهب الى الأسفل
http://gluten-free.forumegypt.net
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الثلاثاء 07 يونيو 2011, 15:57


بصى يا حور انا شرحتلك ازاى تنعمى دقيق الارز فى الرد على كيك بالزبيب بس انتى اكيد بتستعملى دقيق الارز الجاهز عشان كدة بيبقى خشن
ربنا معاكى و ان شاء الله يطلع زى الفل و لو عايزة اى توضيح انا تحت امرك
الرجوع الى أعلى الصفحة اذهب الى الأسفل
الحور العين



عدد المساهمات : 57
تاريخ التسجيل : 06/06/2011

مُساهمةموضوع: رد: بسكويت مشكل خالى من الجلوتين   الجمعة 17 يونيو 2011, 09:59

انا جربته بس انا محدتيش دقيق ذره كله حطيت نشا ودقيق ذره يعنى قليليته شويه مش عارفه اقوليلك ايه غير انه انجح بسكويت خالى من الجلوتين واطعم فى الاكل بنتى لما مسكته اول امره قالتيلى معاى بسكويت يعنى بتغيظنى No


بس هو كان بيلزق فى ايدى اوى حتى بعد ما دخلته فى الثلاجه فحطيت نشا تانى 3 اواربع ملاعق فاكيد انا عملت حاجه غلط لانه كان بيلزق فى ايدى وكان صعب تشكيله بس برده اصرفت
بس عجبنى فى العجينه انى ممكن اعمل منها معمول فى كاب كيك على شكله المعمول والتحبيب بتاع العجينه راح ياه ه ه ه ه ه ه ه ه ه ه ه ه ه ه ه

لكن انا هاجربه تانى بعد ما جيب ماكنه البيتى فور علشان اعمل منه اشكال كتيره واحط عليه شيكولاته قوليلى يا منونه هو ممكن احط جواه شيكولاته يعنى يبقى طهمه زى طعم بسكويت شاتو الى بيتبع فى المحلات
bounce


بس مش قادره اقوليك طعمه عاجبنى ازاى وانتى حليت ليه مشكله بسكويت العيد لانى كنت ببقى زعلانه انها مش بتاكل ل كحك وبسكويت بيتى فور يعنى

فعلا انا بحبك فى الله
الرجوع الى أعلى الصفحة اذهب الى الأسفل
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   السبت 18 يونيو 2011, 13:19



برافو عليكى يا حور النجاح الكامل مش بييجى من اول مرة بصى قى كذه سبب انها ممسكتش اول حاجة انتى بتعايرى الدقيق بايه ؟ و بعدين انتى بتقولى استعملتى شوية نشا فالنشا مش بيمسك زى الدقيق و بعدين ساعات البيض بيبقى كبير شوية عموما لما تنفذى اى وصفة لازم يكون جنبك شوية دقيق زيادة عشان لو احتاجتى تزودى بس الزيادة تكون بالعقل عشان البسكوت مينشفش

بالنسبة للشيكولاتة ممكن بعد ما تشكلى البسكوت و يستوى تغطسى نص البسكوتة فى الشيكولاتة السايحة و تسيبيه يجمد بيبقى شكله حلو وطعمه حلو و بعدين انا بعمل نوع تانى بفرده فى الصينيه و بقطعه مربعات ممكن دة ينفع لتقليد الشاتو حنزلك وصفته بعد ما اصوره

انا مش عايزاكى تقلقى على العيد انا ان شاء الله حنزلكم وصفات حلوة لبسكوت العيد و البتى فور و الكحك

بالف هنا و شفا لحبيبتى انا مقدرة اللى انتى بتقولىه لانى مريت بيه مع بنتى فعشان كدة قررت الجهاد فى عالم الخالى من الجلوتين من اجل سعادة كل طفل عنده سيلياك و الكبار طبعا بس انا متحيزة للاطفال عشان الكبير يقدر يتحكم فى نفسه

انا بحبكم كلكم والله و حاسة ان سعادة بنتى وولادكم امانة فى رقابتى ربنا يحميهم كلهم و احبك الله الذى احببتينى فيه flower
الرجوع الى أعلى الصفحة اذهب الى الأسفل
الحور العين



عدد المساهمات : 57
تاريخ التسجيل : 06/06/2011

مُساهمةموضوع: رد: بسكويت مشكل خالى من الجلوتين   السبت 18 يونيو 2011, 15:04


مش عارفه اقوليك ايه غير انى بعيط وبحمد ربنا لان بعد العسر يسر وانى خلاس مبقتيش هاتلا هموم الدنيا فوق دماغى ربنا يفرج همومك زى مابتفكرى تساعدى وتعملى كل حاجه نفسهم ياكلوها


وكا لعاده لو عملتى البيتى بان الصغير ياريت تصوريه وينفع نستعمل دقيق الارز بدا دقيق الذره فى او وصفه
الرجوع الى أعلى الصفحة اذهب الى الأسفل
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   السبت 18 يونيو 2011, 16:00


حاضر يا حور انا حعمله قريب و اصوره بصى انتى ينفع تستعملى دقيق ارز لوحده بس النتيجة لما بتخلطى بتديكى نتيجة احسن و فايدة اكتر لانها بتاخد الفوايد اللى فى الارز و الذرة و التابيوكا

و متعيطيش يا حور الحمد لله ابتلاء خفيف و احسن من غيرنا كتير و ربنا يفرج همومنا جميعا اللهم امين
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: بسكويت مشكل خالى من الجلوتين   السبت 18 يونيو 2011, 20:33

تصدقى يا حور قلتى نفس اللى كنت عاوزة أقوله
كنت مقررة إنى مش هعتب مصر الا لما ألاقى لبنت حل
و بعدين لما طبقت وصفات منونة و نجحت غيرت رأيى..
ربنا يدخل
السرور على قلبها زى ما أدخلت السرور على قلوبنا
بس أنا خايفة جدا لا بنتى تكون بتتحسس من الذرة
لانها عندها حساسية من يومها
ربنا يخفف فى ابتلائها يا رب و يشفيها هى و أولادكم

نحبك فى الله يا منونة و لا ننساك بالدعوات الصالحات
الرجوع الى أعلى الصفحة اذهب الى الأسفل
http://gluten-free.forumegypt.net
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الأحد 19 يونيو 2011, 17:03


ربنا يتقبل منك يا ورد لحسن محتاجة دعواتكم والله flower
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: بسكويت مشكل خالى من الجلوتين   الجمعة 24 يونيو 2011, 21:12


منووووونة

شكلى هرجع للفشل تانى
إهئ إهئ إهئ إهئ

أول مرة أجرب حاجة بمقاديرك و متظبطش معايا

ملزقة فى بعضها مهما أحطها فى التلاجة و مهما اعمل

مفيش فايدة مش عارفة العيب فين؟

انتى قصدك سكر بودرة؟
الرجوع الى أعلى الصفحة اذهب الى الأسفل
http://gluten-free.forumegypt.net
roro2009ر



عدد المساهمات : 11
تاريخ التسجيل : 25/05/2011

مُساهمةموضوع: رد: بسكويت مشكل خالى من الجلوتين   الجمعة 24 يونيو 2011, 21:54

ما شاء الله ربنا يباركلكم والله بدعلكم ربنا يعينكم ويشفلكم ولادكم كلكم
الرجوع الى أعلى الصفحة اذهب الى الأسفل
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الجمعة 24 يونيو 2011, 23:56


ليه يا ورد كدة دة انا لسه عاملاه امبارح بالمقادير دى بالظبط انا فعلا قصدى سكر بودرة طيب انتى استبدلتى دقيق الذرة بنشا ذرة عشان نشا الذرة مش بيمسك زى الدقيق Sad
الرجوع الى أعلى الصفحة اذهب الى الأسفل
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الجمعة 24 يونيو 2011, 23:57


ربنا يتقبل منك يا رورو
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: بسكويت مشكل خالى من الجلوتين   السبت 25 يونيو 2011, 00:08

طب بلييييز عدليها يا منونة
عملت كله صح ما عدا السكر
استعملته ناعم عادى مش بودرة
ابنى زعلان قووووووى انه باظ لانى
كنت مجهزه له القطاعات عشان عاوز يقلد أصحابه
و يعمل أشكال بالعجينة
الرجوع الى أعلى الصفحة اذهب الى الأسفل
http://gluten-free.forumegypt.net
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   السبت 25 يونيو 2011, 11:07


السكر الناعم هو البودرة يا ورد انا قاصدة اكتبه ناعم عشان اختلاف اللغة انا حعدلها من عينية بس فى اى وصفة فيها سكر ناعم يبقى بودرة
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: بسكويت مشكل خالى من الجلوتين   الإثنين 27 يونيو 2011, 19:24

بمناسبة موضوعك الجميييييل بتاع الأسئلة عندى سؤال Laughing

عملت إمبارح البسكوت تانى بنفس المقادير و الطريقة بالظبط I love you

و برضة العجينة كانت زى بتاع الكيك مهما أحطها فى التلاجة

ربنا هدانى شكلتها بقمع الكريم شانتيه و طلعت جميلة
بس نفسى تبقى متماسكة لإن ابنى شبطان فى البسكوت
اللى على شكل دباديب أفيال و كده عايزة أعرف أشكله .. أعمل إيه؟

امبارح زودت الدقيق تانى بعد ما سبتها فى التلاجة برضه متماسكتش
الرجوع الى أعلى الصفحة اذهب الى الأسفل
http://gluten-free.forumegypt.net
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الثلاثاء 28 يونيو 2011, 09:54


انا عمالة افكر يا ورد ممكن السبب يكون ايه ممكن تقللى السمن شوية و استعملى بيضة كاملة و صفار البيضة التانية بس يمكن البيض عندكم اكبر من عندنا و ادهنى البسكوت ببياض البيضة و بعدين انا بحرص ان يكون الدقيق بالظبط لان سهل ان احنا نزود بس البسكوت بينشف و انا عايزاه يبقى هش و حلو
و حاجة تانية يا ورد ما تضربيش البسكوت كتير يعنى اضربى السمن و السكر و البيض جامد و لما تبتدى تضيفى الدقيق قلبى العجين بالراحة و ربنا يوفقك فى التجربة الجاية
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: بسكويت مشكل خالى من الجلوتين   الثلاثاء 28 يونيو 2011, 17:37

علم و سينفذ إن شاء الله يا قمر
بارك الله فيكى
الرجوع الى أعلى الصفحة اذهب الى الأسفل
http://gluten-free.forumegypt.net
manoona
Admin


عدد المساهمات : 217
تاريخ التسجيل : 17/05/2011

مُساهمةموضوع: رد: بسكويت مشكل خالى من الجلوتين   الخميس 30 يونيو 2011, 12:21


فى انتظار التنفيذ
الرجوع الى أعلى الصفحة اذهب الى الأسفل
 
بسكويت مشكل خالى من الجلوتين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
خالي من الجلوتين السلياك وحساسية القمح فى مصر Celiac gluten free Egypt :: معجنات، مخبوزات، أطباق خالية من الجلوتين/ استضافة فندقية سبع نجوم :: معجنات، مخبوزات، أطباق الشيف دينا شوقى ...جهد متقن و مصور...جزاها الله خيرا-
انتقل الى: