طريقه الدجاج

هذا اصابع الدجاج المقرمش مع السوتيه
وهذي سلطتكم

___________________

طريقه الدجاج
اول شي نشترون صدور دجاج فيليه وتقطعونه اصابع طوليه وتنقعينه بالتتبيله التاليه (عصير ليمونتين+ ربع كوب زيت زيتون+ 2 ملعقه صويا صوص) مع ملح وكركم وكمون وزعتر اخضر مجفف ومقصص

بعد التتبيله بساعه اواكثر بعدها صفيه من التتبيله
وسوي خلطه التغطيه واهي عباره عن دقيق الذره+ دقيق التابيوكا مع بهار ايطالي( زعتر واوريجانو وحبق المجفف) وخلطي معاهم شويه ملح واشبنت مجفف

عباره عن دقيق الذره الاصفر

دقيق التابيوكه واهو عباره عن دقيق نوع من الخضار تشبه البطاطس

بعد ماخلطت معاهم الزعتر والاشبت

واخذي مقله سيحي فيها زبده

اللحين غطي اصابع الدجاج اول شي بالزبده وبعدها بالدقيق المخلوط وصفيهم في صينيه فرن

واخبزيهم بفرن حار مده نص ساعه تقريبا مع تقلبيهم حتى تحمر من الوجهين

وقدميها مع خضار سوتيه مسلوقه

وسلطه الشمندر بالرمان

تقطعين الشمندر قطع بالطول وتسلقينها وبرديها+ ذره مسلوقه+ بصله صغيره ابيض منقع بليمون+
شرايح خيار وطماط وخس كلهم مقطعين بالطول + رمانه مفتته
الصوص( علبه زبادي اكتيفيا+ عصير ليمونه + رشه ملح+ 4 ملاعق زيت زيتون+ نعناع مجفف)

زينيها بشرايح بيض مسلوق وعوافي santa