خالي من الجلوتين السلياك وحساسية القمح فى مصر Celiac gluten free Egypt
أهلا وسهلا! سعداء جدا بزيارتك!
خالي من الجلوتين السلياك وحساسية القمح فى مصر Celiac gluten free Egypt
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اذهب الى الأسفل
avatar
verona
عدد المساهمات : 102
تاريخ التسجيل : 19/05/2011

مسقعة دايت و فراخ محشية بالملوخية من مطبخي :) Empty مسقعة دايت و فراخ محشية بالملوخية من مطبخي :)

في الثلاثاء 20 ديسمبر 2011, 09:20

[SIZE="5"]

مسقعة دايت و فراخ محشية بالملوخية من مطبخي :) Af1c485ea3nx8


من زمان و انا بفكر اني اعمل مسقعة دايت و قلت في بالي اجربها ..و أشوف طعمها عامل ازاي .. و اجرب في طاجن صغير عشان لو طلعت وحشة مخسرشي كتير ...

عملتها و طلعت جميييلة ما شاء الله .; مفيش فرق كبير بينها و بين المسقعة العادية ..بينما البتنجان مشوي في الفرن مش مقلي .; و صورتها هي و الفراخ المحشة و الملوخية التمام و دول عملتهم في مرة تانية و صورتهم خطوة بخطوة .. يا رب تعجبكم يا رب

الأول المسقعة الدايت ....خدت البتنجان بعد مما قطعته و قشرته فردته على صينية مدهونة زيت و دهنت وشة زيت حاجة بسيطة أوي و رشيت عليه ملح.


مسقعة دايت و فراخ محشية بالملوخية من مطبخي :) 1820573690385963271

بعد كده حطيته في الفرن و كنت مسخنه الفرن قبل كده عشان مياخدشي فيه وقت طويل ..و فضلت جنبه ..شوية و طلعته و قلبته الناحية التانية .. و و خمس دقايق و طلعته ..

دول كانوا آخر شوية معلشي عشان كان عقلي مع الصينية أول ما تطلع اشيل اللي فيها و احط تاني مصورتش ألا آخر فوج Smile


مسقعة دايت و فراخ محشية بالملوخية من مطبخي :) 246112034219948802

على حسب مساحة الصينية و الطاجن بتاعي .. أنا كررت الموضوع ده مرتين تلاته تقريبا لاني عاملة طاجن .
بعد كده بأه .. رتبته في الطاجن .. لحمة مفرومة و بعدين بتنجان و بعدين لحمة مفرومة و هكذا لحد مما الكمية تخلص عااااادي جدا زي اي مسقعة مصرية اصيلة و من فوق الصلصة و التوابل ..

مسقعة دايت و فراخ محشية بالملوخية من مطبخي :) 20345320141256949510


و باااس كده و على الفرن عدل ..

و فعلا كانت حلوووة اوي الحمد لله كان نفسي اصورها و هي طالعة من الفرن إنما معرفتش و بجد ما شاء الله اتنسفت بمعنى الكلمة Smile

بس خفيفااااا ... و صحية كمان بعيدا عن الدايت يعني ..


************************************

الفراخ بأه كانت عندي في التلاجة قبلها بيوم .. و بديت احضر الحشو الأول و حشيتها رز .

دبلت بصل كتيير في شوية زيت حاجة بسيطة اوي .. و بعدين توم مفروم و كوووول التوابل اللي عندي .. ملح و فلفل و بهارات و كاري و قرفة و كله ..

مسقعة دايت و فراخ محشية بالملوخية من مطبخي :) 6424497387033541

قلبت تقليبتين بس و نزلت عليه بشوية رز كمية بسيييطة و قلبت تقلبتين كده .. يعني خمس دقايق بالكتير

مسقعة دايت و فراخ محشية بالملوخية من مطبخي :) 19332104481664214980

الفرخة طبعا بعد ما غسلتها كويس ..

مسقعة دايت و فراخ محشية بالملوخية من مطبخي :) 1260580488364605259

زمان كنت بحشي ما بين الجلد و الفرخة .. عشان الفراخ كانت بتكون طازة و جاية من الفرارجي و مكنشي الجلد بيتقطع و لا حاجة وقت السوا .. في الفراخ اللي من السوبر ماركت بعد كذا تجربة فاشلة قررت إني أحشي من جوة الفرخة بس ..و اقفلها بالخلة بتاعت السنان و مكنشي عندي فقفلتها بخيط ..


مسقعة دايت و فراخ محشية بالملوخية من مطبخي :) 8138694842088357779

و بعدين بسلقها كويس اوي ..و اطلعها و احضر لها صوص كده احطه عليها قبل ما ادخلها الفرن تاخد وش
زيت زيتون مع ليمون و صلصة خاليه من الجلوتين أو عصير طماطم و نعناع ناشف و زعتر و توابل و ملح و فلفل ..

مسقعة دايت و فراخ محشية بالملوخية من مطبخي :) 9416741391212081800

و اغطي الفرخة كلها و في الفرن تاخد وش حلو .

مسقعة دايت و فراخ محشية بالملوخية من مطبخي :) 2456112151900435504

و ادي الفرخة بعد ما طلعت و اتقطعت من النص عشان الحشو يبان ...الرز بيبقى مفلفل و جميل ..

مسقعة دايت و فراخ محشية بالملوخية من مطبخي :) 337691397175612464

مسقعة دايت و فراخ محشية بالملوخية من مطبخي :) 1757952291849507776


بالنسبة للملوخية فهي سهلة متهيألي ..الطشششة ... التوم و الكسبرة بس انا قللت الزبده اوي أوي ..و برضو طلعت حلووة الحمد لله ..يعني لو اقلكم الطشة دي معمولة بمعلقة متوسطة زبده و خلاص ..


مسقعة دايت و فراخ محشية بالملوخية من مطبخي :) 7952981875145154


و على الملوخية عدل اللي اتعملت على شوربة سلق الفراخ

مسقعة دايت و فراخ محشية بالملوخية من مطبخي :) 1484347516350898387


و بااااس كده يا رب تكون الأكلتين دول عجبوكم ..










[/SIZE]


وردشان
وردشان
Admin
Admin
عدد المساهمات : 206
تاريخ التسجيل : 15/05/2011
https://gluten-free.forumegypt.net

مسقعة دايت و فراخ محشية بالملوخية من مطبخي :) Empty رد: مسقعة دايت و فراخ محشية بالملوخية من مطبخي :)

في الثلاثاء 20 ديسمبر 2011, 21:38
yeganino ya viro mashallah

teslam idiki ya amar

وردشان
وردشان
Admin
Admin
عدد المساهمات : 206
تاريخ التسجيل : 15/05/2011
https://gluten-free.forumegypt.net

مسقعة دايت و فراخ محشية بالملوخية من مطبخي :) Empty رد: مسقعة دايت و فراخ محشية بالملوخية من مطبخي :)

في الأربعاء 21 ديسمبر 2011, 14:08
واااااااااو
جربت الفراخ
ما شاااااء الله
جمييييييلة
أكل تقليدى بطعم غيييييييير تقليدى
تسلم إيدك يا فيرو
avatar
verona
عدد المساهمات : 102
تاريخ التسجيل : 19/05/2011

مسقعة دايت و فراخ محشية بالملوخية من مطبخي :) Empty رد: مسقعة دايت و فراخ محشية بالملوخية من مطبخي :)

في الإثنين 26 ديسمبر 2011, 16:25


تسلمي حبيبتي ..ربنا يكرمك يا قمر Smile

بإلف هنا يا رب يا ورد .. Very Happy



وردشان
وردشان
Admin
Admin
عدد المساهمات : 206
تاريخ التسجيل : 15/05/2011
https://gluten-free.forumegypt.net

مسقعة دايت و فراخ محشية بالملوخية من مطبخي :) Empty رد: مسقعة دايت و فراخ محشية بالملوخية من مطبخي :)

في الثلاثاء 15 مايو 2012, 14:51
وحشتنا أكلاتك يا فيرو
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى