الخبز البنى الخالى من الجلوتين

هذا المقدار يكفى اعمل 5 او 6 قطع خبز حسب الحجم

المقادير:

150 جم دقيق الحنطة السوداء
100جم دقيق ذرة ناعم جدا
50 جم نشا بطاطس
3 ملاعق دقيق تابيوكا
1/2 ملعقة صغيرة ملح
10جم سكر
1 و نصف ملعقة صغيرة صمغ الزانثان
2 صفار بيضة مضروب جيدا
2بياض بيضة مضروب مع ذرة ملح حتى يصير كالمارنج
2 ملعقة كبيرة زيت
ماء دافئ للعجن (من100 مل الى 150 مل حتى تحتاج العجينة)
50 جم دقيق الحنطة السوداء لرشه فوق العيش قبل الخبز

خليط الخميرة:

(1 و نصف ملعقة صغيرة خميرة جافة +10 جم سكر+ 50 مل ماء دافئ يخلطوا مع بعض و يتركوا ليخمروا 10 دقائق)

الطريقة:

توضع كل المكونات الجافة فى العجان بعد نخلهم
يضاف صفار البيض المضروب و الزيت و يعجن
يضاف 75 مل من الماء الدافئ وخليط الخميرة اثناء الضرب
يضاف بياض البيض المخفوق تدريجيا اثناء الضرب
ثم يضاف باقى الماء تدريجيا حسب الاحتياج لتصبح عجينة متوسطة تلصق باليد
تبلل الايدى بالماء و يتم تشكيلها برفق مل الكور ثم تبطط باليد
ثم توضع على صاج عليه ورق زبدة و يغطى و يترك فى مكان دافئ لمدة 30 دقيقة فقط
يدهن العيش بخليط من البيض المضروب مع اللبن
يرش وجه العيش بدقيق الحنطة السوداء
و يخبز فى فرن حار جدا سبق تسخينة حتى يحمر وجهه (من 10 -20 دقيقة)

و بالهنا و الشفا

ان اتعقدت خلاص شكله ماشاء الله
بس مش عارفه ايه هيه الحنطه السوداء وموجوده فى مصر

ربنا يكرمك يا حور الحنطة السوداء هى buckwheat
انا مش عارفة الصراحة هى موجودة فى مصر و لا لأ بس فى اخت عزيزة بتقول انها ممكن تبقى موجودة فى العطارين بتوع الازهر و ممكن يكون موجود فى هيلث هارفست

معلشى يا منونه المقادير ازاى بتعاييرها بالجرام انا عندى المعالق ووالكوبيات بس مش عارفه المقادير بالجرام

معلشى لو بدلناها بالكتان هينفع

حور انا المقادير اللى بالجرام باوزنها على ميزان المطبخ ام بالنسبة للكميات الصغيرة فالملعق الكيال مكتوب عليها المكيال بالجرام و بالملعقة
انا بصراحة مجربتش الكتان بس لو هو لما بيطحن بيبقى ناعم يبقى ممكن تستعمليه و ممكن تحطى على سطح الخبز دقيق ذرة خشن جربى و قوليلنا