البسبوسة الخالية من الجلوتين

طريقة البسبوسة الخالية من الجلوتين


كوب سميد ذرة
كوب جوز الهند
نصف كوب سكر
١٢٥ جرام زبدة (بتتباع هنا قوالب القالب ربع كيلو أخذت نصه)
معلقة بيكنج بودر خالى من الجلوتين
كوباية زبادى

كله يتلخبط على بعضه و يفرد فى صينية مدهونة
زبدة و تسوى فى الفرن على ٢٠٠ لغاية ما تتحمر

و تسقى بكوب شربات (كوب مياة, كوب سكر, نص ليمونة
تم غليهم مسبقا على النار ) و بالهنا و الشفا

سميد الذرة مفرول و محبب سنة مش ناعم قوى
زى الدقيق..شكل الكسكسى أو دقيق بسبوسة القمح
أو البقسماط بس معمول من الذرة

و ده شكل البسبوسة بالهنا و الشفا





سميد الذرة موجود فى مصر نوع منه مستورد

دى صورته من الأمام


و دى من ظهر العبوة ومكتوب عليه جلوتين فرى

بسم الله ماشاء الله شكلها حلوة
وطعمها اكيد احلى
جزاكي الله كل خير

جزانا و جزاكم يا ملوكة
نورتى الموضوع يا حبيبتى
منتظرين ابداعاتك

شكلها شهى اوى و رمضان قرب انا حاجربها و اقولك النتيجة تسلم ايديكى يا وردشان

جربى يا حبيبتى بألف هنا
حاجة كدة على قدى

لو حد جابها من مصر يقوليلى لاقها فين اكون شاكره هيه بصراحه شكلها جممممميل

اية الجمال ده ما شاء الله يا ورد

مش بقلك يا جميل ... انتي شطورة ما شاء الله بس متواضعة حبتين

يالا يا جميل عايزين اكلات حلوة تاني ....

بالف الف هنا و شفا عليكو يا رب

حور السيمولينا دى بتبقى موجودة فى كارفور بس هى ساعات بتبقى ناقصة شوية