خالي من الجلوتين السلياك وحساسية القمح فى مصر Celiac gluten free Egypt
أهلا وسهلا! سعداء جدا بزيارتك!

شاطر
اذهب الى الأسفل
ملوكة
Admin
Admin
عدد المساهمات : 50
تاريخ التسجيل : 22/05/2011

فلافل بيتي... جنااااااان

في الإثنين 13 يونيو 2011, 08:49
ا
بسم الله الرحمن الرحيم
السلام عليكم ورحمة الله وبركاته

الفلافل البيتي

المقــاديـــــــــر

ا كيلو فول بصارة (مدشوش)
2 بصلة
راس توم
حزمة كسبرة خضراء
حزمة كرات
قرن فلفل اخضر
(لو ما فيش كرات ممكن تستبدليه بحزمة بصل اخضر وتشيلي بصلة عادية من فوق )
المهم ماتكتريش الخضرة عشان الفلافل ماتفرولش منك وقت القلي



للتتــــــــــــــــــــــبيل



كسبرة ناشفة حصى
كسبرة ناشفة ناعمة
شطة
كمون
ملح
وفلفل اسود لوحابة



الطـــــــــــريقة



في البداية انقعي الفول من بالليل في مية كافية وطبعا بعد غسيله كويس ولو تحبي تحطي معاه شوية حمص مافيش مانع


اغسلي الخضرة كويس وقطعيها وقشري التوم والبصل وقطعيه



في الكبة حطي كمية من الفول والخضرة والبصل وافرميهم ولما يتفرمو حطي كمية غيرهم لحد ما يخلص المقدار اللي عندك


بعد ما تخلصيهم ارجعي افرميهم مرة كمان عشان تكون ناعمة
وحطي عليها التتبيلة


اعجنيهم وقسميهم على اكياس وشيليهم في الفريزير



وقـــــت القلـــــية


بتاخدي كمية من الفلافل وتضيفي عليها ربع ملعقة بيكربوناتو وشوية سمسم


ولو تحبي تضيفي بيضة اوكيه


جربي تقلي واحدة لو فرولت ممكن تزودي عليها شوية نشا ذرة


لوتحبي تحشيها بسطرمة او جبنة اوحشوة من البصل والتوم والفلفل الحامي وبهارات
برضه ممكن
وتقليها



ودي المحشية جبنة

وبالهنا والشفا





manoona
Admin
Admin
عدد المساهمات : 216
تاريخ التسجيل : 17/05/2011

رد: فلافل بيتي... جنااااااان

في الإثنين 13 يونيو 2011, 13:41

انا حطلع من على المنتدى حالا عشان انا جعت اوى يا ملوكة تسلم ايديكى lol!
avatar
وردشان
Admin
Admin
عدد المساهمات : 206
تاريخ التسجيل : 15/05/2011
http://gluten-free.forumegypt.net

رد: فلافل بيتي... جنااااااان

في الأربعاء 15 يونيو 2011, 13:43
شوقتينا للفلافل.. ده أنا كنت نسيتها خالص
ولادى ميعرفوهاش أصلا
شجعتينى أعملها عشان الولاد

بس اللى بالجبنة دى عمرى ما عملتها
بس الطعمية بتبقى مش ماسكة فى بعضها زى العجينة
بتحطى الجبنة جواها إزاى؟
ملوكة
Admin
Admin
عدد المساهمات : 50
تاريخ التسجيل : 22/05/2011

رد: فلافل بيتي... جنااااااان

في الأربعاء 15 يونيو 2011, 22:40
بصي يا ورد
لما تمسكيها وتكوريها اعملي خرم بصبعك جوة وحطي حتة الجبنة واقفلي عليها بالراحة
وبططيها شوية
بتكون ماسكة وحلوة
وممكن تحشيها بسطرمة كمان
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى