خالي من الجلوتين السلياك وحساسية القمح فى مصر Celiac gluten free Egypt
أهلا وسهلا! سعداء جدا بزيارتك!

شاطر
اذهب الى الأسفل
verona
عدد المساهمات : 102
تاريخ التسجيل : 19/05/2011

كفتة البطاطس بالفراخ ...

في الجمعة 10 يونيو 2011, 21:10
[SIZE="5"]



إنهارده جايباكم .. نوع لذيذ من المقبلات و ينفع للعشا كمان ...


كفته البطاطس بالفراخ ..



المقادير :


حوالي 6 حبات بطاطس

3 صدور فراخ مسلوقة جيدا .

ملح و فلفل و بهارات ..

بيض و بقسماط أو دقيق ذرة أو دقيق رز ( يمكن عمل بقسماط خالي من الجلوتين عن طريق بقايا العيش المصنوع من دقيق الدرة أو دقيق الرز و يتحط في صينية في الفرن على نار هادية لحد ما يتحمص و بعدين يتحط في الكبه يتفرم حيبقى بقسماط ممتاز خالي من الجلوتين ...)





الطريقة


الاول بسلق البطاطس كويس و ملح و فلفل و بهارات




بعد سلق صدور الفراخ .. توضع في الكبة لتكون مهروسة جيدا ثم يتم مزجها مع البطاطس المسلوقة مع اضافة البهارات الازمة ..لو حابة تضيفي بصل أو توم و بتحبي طعمهم مع الكفته مفيش مانع ...بتبقى حلوة برضو و كمان البقدونس ..




بس .. بعد كده يتم تشكيلها أما على شكل أقراص أو أصابع زي ما تحبي.. بس لو حتعمليها في الفرن تبقي على شكل أقراص طبعا ...



طبعا لو حتقليها أو حتحطيها في الفرن بتحطيها الأول في الفريزر شوية و بعدين في بيض و لبن و بعدين في البقسماط الخالي من الجلوتين زي ما أوضحنا في المكونات و لو مفيش يبقى في دقيق رز أو دقيق ذرة ...


تحطيها في الفريزر الاول عشان متفكش أول ما تيجي تقليها و بعدين تقليها أو ممكن تسخني الفرن 10 دقايق و تحطيها فيه و 10 دقايق كمان و تقلبيها الناحية التانية بتبقى حلووة برضو




و زي ما قلت .. تنفع برضو للعشا مع شوية سلطة خضرا Smile



على فكرة .. ممكن تعملي كل الخطوات دي و تشيلي الكفته في الفريزر قبل ما تقليها الفترة اللي تحبيها في علبه بلاستيك ...و تطلعيها تقليها وقت اللزوم .... انا بعمل كده كتييير و بتبقى حلوووة اوي ...


بالهنا و الشفا ...








[/SIZE]
avatar
وردشان
Admin
Admin
عدد المساهمات : 206
تاريخ التسجيل : 15/05/2011
http://gluten-free.forumegypt.net

رد: كفتة البطاطس بالفراخ ...

في الجمعة 10 يونيو 2011, 22:03
وااااااااااو
كنت دايما اشتريها جاهزة
و ولادى كانوا بيحبوها
بس بطلت أجيبها عشان الجاهزة فيها جلوتين
بارك الله فيكى
هاعملها بطريقتك إن شاء الله
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى