خالي من الجلوتين السلياك وحساسية القمح فى مصر Celiac gluten free Egypt
أهلا وسهلا! سعداء جدا بزيارتك!

شاطر
اذهب الى الأسفل
verona
عدد المساهمات : 102
تاريخ التسجيل : 19/05/2011

الرز المعمممر في الفرن

في الجمعة 10 يونيو 2011, 14:45
[SIZE="5"]





انهاردة جايالكم طريقة الرز المعمر في الفرن من مطبخي ...



المقادير:


رز مصري بالكمية االلي تحبيها _ كل الرز المصري الحمد لله بيبقى مكتوب وراه خالي من الجلوتين .. كل الانواع اللي جبتها كانت كده ...

لبن

بهارات و ملح و فلفل و قرفة

قشطة بالكمية اللي تحبيها ( انا بحط علبة قشطة و زياده شوية على البرام )


الطريقة :

طبعا أهم حاجة هو البرام الفخاااااار .. مش حينفع لا في حلة و لا بيركس و لا أي حاجة غير البرام الفخار بتاعنا و بس ...

1- من قبل ما تعملي الرز بيوم خدي الكمية اللي تحبيها و اغسليها كويس و بعدين انقعيها في البرام مع اللبن الحليب ( انا بستعمله قليل الدسم عشان يكون خفيف )بحيث ان اللبن الحليب يغطي الرز تماما ...و تنقعية على الأقل 3 أو 4 ساعات و انا بنقعها من قبلها بيوم (12 ساعة )..بس أوعي تملي البرام لان الرز حجمة بيتضاعف ..خلية ياخد تلتين البرام كده ..





2- قبل ما نحطها في الفرن نضيف البهارات و الملح والقرفة و القشطة ...( برضو في قشطة قليلة الدسم في الأسواق لو حابين )





3-تحطيه في الفرن على نار متوسطة لحد ما يستوي و يعمل وش كده ( و انا بشيل الوش بعد كده عشان مش بيحبوه عندي



4-طبعا لو حنعملي معاها فراخ أو حمام ...أنا بسلق الفراخ الأول كويس و بعدين بدهنها خلطة مكونة من ( زيت زيتون -صلصة خالية من الجلوتين أو عصير طماطم -بهارات - ملح وفلفل و زعتر - ليمون معصور -قليل من الشوربة ) و ادهن بيهم الفراخ و احطهم في الفرن لحد ما تاخد وش حلو و أحطها على البرام .....و يتسخنوا سوا في الفرن قبل الأكل مباشرة ..








طبعا مع الحمام المحشي بيكون أحسن من الفراخ .. ..... تبقى خطيييييرة

و بالهنا و الشفا .....

[/SIZE]


عدل سابقا من قبل verona في الجمعة 10 يونيو 2011, 20:52 عدل 1 مرات
avatar
وردشان
Admin
Admin
عدد المساهمات : 206
تاريخ التسجيل : 15/05/2011
http://gluten-free.forumegypt.net

رد: الرز المعمممر في الفرن

في الجمعة 10 يونيو 2011, 17:23
لا لا
مش قادرة أقاوم الجمال يا فيرو ما شاء الله

تحففففففففففة تحففففففففففة

انا من جمال وصفاتكم اتعقدت
ههههههههههه

بس لسان العصفور ممنوع
اسمحى لى شيلته
verona
عدد المساهمات : 102
تاريخ التسجيل : 19/05/2011

رد: الرز المعمممر في الفرن

في الجمعة 10 يونيو 2011, 20:49
اه طبعا ... معلشي يا ورد أنا وانا بنقل الموضوع لاني كنت عاملاه من فترة نسيت اشيل الشوربة خالص .. الزهايمر اشتغل عندي

ممكن نستبدلها بشوربة فراخ عادية بالليمون ...أو شوربة طماطم و دي بإذن الله حبأه انزلها قريب Smile

معلشي يا جميل عندي دي Smile
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى