الخبز البتى بان او الكايزر الخالى من الجلوتين

* النوع دة من العيش بيبقى روعة فور خروجه من الفرن
*و لتسخينه يفضل وضعه فى اليكروويف ان وجد





المقادير:

150 جم دقيق ذرة ناعم جدا ( و لو الدقيق اللى بتستعمليه خشن انخليه بمنخل حرير)
350 جم دقيق ارز ناعم برده
3 ملاعق كبيرة كورن فلاور
11/2 ملعق صغيرة ملح
1 ثمرة بطاطس كبيرة مسلوقة و مهروس كويس جدا
30 جم سكر
16 جم صمغ الزانثان( و لو مش عندك ممكن تجيبى من عند العطار الصمغ العربى و تطحنيه و تستعمليه بداله)
خليط الخميرة(12 جم خميرة جافة +30 جم سكر+ 100 مل ماء دافئ يخلطوا مع بعض و يتركوا ليخمروا 10 دقائق)
3 صفار بيضة مضروب جيدا
3 بياض بيضة مضروب مع ذرة ملح حتى يصير كالمارنج
3 ملعقة كبيرة زيت زيتون او ذرة
ماء دافئ للعجن ( من 260 -400 مل حسب الحاجة)

الطريقة:

توضع كل المكونات الجافة فى العجان بعد نخلهم
يضاف البطاطس المهروسة و صفار البيض و يعجن
يضاف الزيت ثم 1/2 مقدار الماء الدافئ وخليط الخميرة اثناء الضرب
يضاف بياض البيض المخفوق تدريجيا اثناء الضرب
ثم يضاف باقى الماء تدريجيا حسب الاحتياج لتصبح عجينة متوسطة
تبلل الايدى بالماء و يتم تشكيلها برفق ثم توضع على صاج عليه ورق زبدة و يغطى و يترك فى مكان دافئ لمدة 30 دقيقة و مش اكتر من كدة
يدهن العيش بخليط من البيض المضروب مع اللبن و يخبز فى فرن حار جدا سبق تسخينة حتى يحمر وجهه (من 10-15 دقيقة تقريبا)
هذا المقدار يكفى لعمل من 13-15 قطعة و يفضل حفظه فى الفريزر و تسخينه قبل الاستعمال

و بالهنا و الشفا

بارك الله فيك يا حبيبتى
ربنا ما يحرمنا من إبداعاتك يا منونة
بس مش عارفة يعنى ايه 11/2 ملعق صغيرة ملح

ربنا يكرمك يا وردشان المقصود هو واحد و نصف ملعقة صغيرة ملح

شكرا كده فهمت

ربنا يخليكى يا انجوجة دايما رافعة معنوياتى

ما شاء الله بارك الله في هذا الجهد الطيب المبارك

لأ لأ أنا مش قد الجماااااااال ده يا منونة
ايه الصور الجناااااااان دى
ما شاء الله تسلم إيديكى

انا حجرب اعمله من غير زانثان و اقولك يا ورد

almosly كتب:ما شاء الله بارك الله في هذا الجهد الطيب المبارك

شكرا و بارك الله لنا جميعا

خلص الكلام مع منونه مفيش حاجه اسمها مشكله جلوتين فرى مفيش كلمه مستحيل مفيش نفسى فى اعمل حاجه ومش عارفه :hear

ده فلبى منى وقلب من بنتى

بس انا هاجرب البرتفرول الاول t:

الحور العين كتب: خلص الكلام مع منونه مفيش حاجه اسمها مشكله جلوتين فرى مفيش كلمه مستحيل مفيش نفسى فى اعمل حاجه ومش عارفه :hear

ده فلبى منى وقلب من بنتى

بس انا هاجرب البرتفرول الاول t:

ده قلب منى وقلب من بنتى احنا كماااان

ربنا يكرمنا فيهم جميعا ويهون علينا و يعوضنا خير تملى ادعو الدعاء دة
اللهم لا سهل الا ما جعلته سهلا انك ان شئت جعلت الحزن سهلا

الله تسلم ايديكي
انا حجربه في اقرب فرصة
بس عندي استفسار
انا قرات قبل كدة في منتدى السعودية لمرضى السيلياك ان الخميرة غير مسموح بها
بس على فكرة انا بحس انهم موسوسين شوية لأن قائمة الممنوغات مليئة بكم كبير من الاصناف مثل الصلصة و السوسيس و الزبادي ..... الخ
لو انت متاكدة من نوغ الخميرة دي من فضلك قوليلي نوعها
ربنا يبارك فيكي

تسلمى يا هبة مش كل الخميرة ممنوعة انا باستعمل نوع اسمه دى سى ال انا راسلتهم و اتاكدت انها خالية من الجلوتين هو نوع انجليزى و مصنوع فى الاتحاد الاوروبى موجود عند هايبر ماركت اللى عند مدخل الشيخ زايد
بس على فكرة السوسيس و اللانشون و اللحوم المصنعة و البورجر الجاهز من الممنوعات