عجينة واحدة لأكثر من صنف: سبرنج رولز, مطبق, فطير مشلتت, سمبوسة

عجينة واحدة لأكثر من صنف: سبرنج رولز, مطبق, فطير مشلتت, سمبوسة, رقاق

من يشتهى كل هذه الاصناف عندى له حل جربته و ناجح جدا ما شاء الله

الحل:

يجيب دقيق ميكس مخبوزات يا إما دقيق شركة الكريستال أو دقيق د شاير أو أى نوع دقيق مخبوزات خالى من الجلوتين متوفر عنده

و يعجنها تماما كما فى الفديو التالى 

ستتكون لديه عجينة جميلة جدا صالحة لكل الاصناف الموجودة فى الفديوهين الموجودين بالاعلى

صديقتى الغالية دينا شوقى عاملة خلطة دقيق عبقرية ما شاء الله بتدى نفس نتيجة دقيق المكس تقريبا. الخلطة كالتالى:
½ cup دقيق ذرة ناعم
¼ cup دقيق الارز اللصق
¼ cup دقيق تابيوكا و نشا بطاطس بالتساوى
1 م ص صمغ الزانثان
1 م ص بيكنج باودر

إمبارح عجنت مرة بخلطة دينا و مرة بدقيق مكس 
النتيجة ما شاء الله تحففففففففففة ...صراحة العجينة كانت متفرقش عن عجينة القمح..عملت رقاق فى الفرن و عيش التورتيلا و الشاورمة فى الطاسة بنفس الطريقة ما شاء الله جميييييل ..جربوا ضرورى!

الخلاصة اللى وصلت لها: الخلطة دى أو أى دقيق مخبوزات متوفر ممكن نستعملهم فى الوصفات دى زى دقيق القمح عادى ... أهم حاجة المية تكون دافية قوى و نريح العجينة ساعة.. و نعجنها تانى بعد ما ترتاح.. ..بس دقيق الخلطة بيحتاج نحط فوقه و تحته دقيق رز قبل ما نفرده بالنشابة.. فكل واحد يشوف ايه الأوفر له فى الفلوس و الوقت و المجهود..بس اللى صعب عليه يجمع مكونات الخلطة أو معندوش وقت يخلط يبقى أسهل له الدقيق الجاهز.