خالي من الجلوتين السلياك وحساسية القمح فى مصر Celiac gluten free Egypt
أهلا وسهلا! سعداء جدا بزيارتك!

خالي من الجلوتين السلياك وحساسية القمح فى مصر Celiac gluten free Egypt

Celiac Patients' Support Group in Egypt
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

  •·.·`¯°·.·•(استعدادات لشهر رمضان وخالية من الجلوتين)•·.·°¯`·.·•

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملوكة
Admin


عدد المساهمات : 50
تاريخ التسجيل : 22/05/2011

مُساهمةموضوع: •·.·`¯°·.·•(استعدادات لشهر رمضان وخالية من الجلوتين)•·.·°¯`·.·•    الثلاثاء 19 يوليو 2011, 12:26

[left]





كل عام وانتم بخير بمناسبة قرب حلول شهر رمضان المبارك

أعاده الله عليكم بالخير واليمن والبركات



ونسأل الله ان يبلغنا رمضان ويبارك لنا فيما تبقى من شعبان



وأن يجعلنا من المرحومين والمغفورين لهم والمعتوقين من النار في هذا الشهر الكريم









•·.·`¯°·.·•(استعدادات لشهر رمضان وخالية من الجلوتين)•·.·°¯`·.·•




استعداداتي المتواضعة لهذا الشهر الكريم

لتوفير الوقت والجهد والتفرغ للعبادات



ويارب تعجبكم



نبدأ

بسم الله الرحمن الرحيم




[color=olive]
كفتة الرز

المقادير

نص كيلو لحمة مفرومة
شوية بقدونس وشبت (اختياري)
بصلة مفرومة
نص كوب رز منقوع ومتصفي ومطحون
ملح وفلفل اسود




الطريقة

نعجن كل المكونات مع بعض


نصبعها صوابع صغيرة جدا عشان لما تنفش
ورصتها في طبق فويل



ولما خلصت الطبقة الاولى حطيت كيس بلاستيك عشان ارص فوقها الطبقة التانية من غير ما تلزق









وغطتها وحطتها في الفريزير
ولما اجي اعملها اطلعها واحمرها عادي


ورق العنب
جبت اطباق الفويل اللي بغطا
ولفيت طبقين وحطتهم في الفريزر

ممكن اسويهم بالفويل في الفرن
وممكن انقلهم في حلة





خلطة المحشي
عملت خلطة محشي عبارة عن بقدونس ونعناع وشبت وطماطم وبصل
بدون رز او بهارات وحطتها في اكياس وفي الفريزر
لما اعوزها اطلعها واضيف عليها الرز والبهارات واحشيها
واكون وفرت غسيل الخضرة وتقطيعها



الشبت والكسبرة

الصراحة هما الخضروات الورقية الوحيدة اللي ممكن اشيلها في الفريزر

الشبت بغسله واصفيه كويس واسيبه لحد ما ينشف خالص واقطعه بالسكين واحطه في كيس


الكسبرة اغسلها كويس وانشفها واقطفها وفي علبة

بس شوفو لاقيت الكسبرة دي جاهزة حلوة ومريحة
[/color]



الرجوع الى أعلى الصفحة اذهب الى الأسفل
ملوكة
Admin


عدد المساهمات : 50
تاريخ التسجيل : 22/05/2011

مُساهمةموضوع: رد: •·.·`¯°·.·•(استعدادات لشهر رمضان وخالية من الجلوتين)•·.·°¯`·.·•    الثلاثاء 19 يوليو 2011, 20:27


ونرجع تاني لتجهيزات شهر رمضان

الليمون
طول السنة انا بجيب الليمون واعصره واشيله في التلاجة بس بزود الكمية في رمضان

جبت الليمون الاخضر والاصفر وغسلتو كويس



بالقشارة قشرت شوية من القشر وبشرت شوية تانين وشلتهم في علبة

عملت علبتين وواحدة من الليمون الاصفر وواحدة من الاخضر

بينفع في التتبيلات او الكيكات


وعصرت الليمون وطبعا الاصفر لوحدو والاخضر لوحدو

لانهم بيفرقو في الطعم
الاكياس دي يا بنات عملية جدا وفكرتها حلوة

بتصبي فيها السوايل بتنزل جواها زي المكعبات وتبقى سهلة الاستخدام
لما بتجمد بقطع المكعب بالكيس


صبيت فيها عصير الليمون

وطبعا علمت كيس الليمون الاخضر بالاستيكر الاخضر والليمون الاصفر بالليمون الاصفر وعلى الفريزر

طبعا بستخدمو في كل حاجة
في تتبلات الفراخ واللحمة والسلطة وعصير ليمون بالنعناع
بس اخد كام مكعب ليمون على كلم مكعب تلج وسكر ومية ونعناع متقطف
واضرب كلو في الخلاط يا معلم وصفي واشربي احلى عصير فريش ومنعش
بحبو جدا في رمضان]

[الفلفل الاحمر]

جبت شوية فلفل احمر وغسلتهم]


[نضفت منهم البذر وفرمتهم في الكبة]

]وعبتهم في برطمان ازاز وعلى الفريزير]


[طبعا بضيفها على التتبيلات والبيتزا والفطاير والبامية ووووووووووووو[/

[روووووووعة وحااااااااااااااامية

]الزنجبيل]

[جبت حتة زنجبيل فريش وقشرتها


[فرمتها في الكبة

وفي علبة ازاز على الفريزر

بتنفع في التتبيلات
وبدل ما اخد الوقت في فرمو وتقشيره
وكمان مالوش روح اوي


[بالنسبة للخضار
[البسلة والفاصوليا والملوخية والقلقاس والبامية والسبانح والخرشوف
]كل ده على طول بشتريه مجمد لانو غالبا بيكون احلى من الموجود في السوق ومضمون جودته

اما الطماطم


جيب 3 كيلو مثلا اضربهم في الخلاط واصفيهم واشيلهم في اكياس سريعة للاستخدام







الفراخ

قبل رمضان بيومين بجيب الفراخ واضفها واقطعها واشيلها

واليوم اللي بسلق في فراخ او لحمة وشوربتها فضلت

بحطها في الفريزر ممكن اعمل بيها شوربة او قلقاس او ملوخية في يوم تاني



او احتاجها وماكونش حسلق فراخ او لحمة



اللحمة

بجيب انواع تقطيعات مختلفة

وبعصج 2 كيلو واقسمهم على اكياس



البهارات

برضو بجيب الخزين



بحط على اد استعمالي في برطمانات صغيرة والباقي بشيله في برطمانات ازاز في التلاجة





طبعا غير الخزين وحاجات الحلويات والياميش

الرجوع الى أعلى الصفحة اذهب الى الأسفل
ملوكة
Admin


عدد المساهمات : 50
تاريخ التسجيل : 22/05/2011

مُساهمةموضوع: أفكار ملوكة لحشو المعجنات بطرق مختلفة .... بالصور   الأربعاء 20 يوليو 2011, 00:15



ان شاء الله النهاردة نشوف افكار متنوعة لعمل حشوات مختلفة تنفع في البيتزا او الفطائر او السمبوسة
ويارب تعجبكم

1 حشوة البصل والفلفل الاحمر


عشان نعمل حشوة الفلفل الاحمر جبت بصلتين كبار مبشورين وقليتهم في الزيت


[CENTER]



وبعدين ضفت عليهم فلفل احمر مقطع وقلبتهم شويةو بعدين ضفت ملعقة صلصة ورشة فلفل اسود وشوية مية صغيرين وغطتها وسبتها تستوي







وده شكلها النهائي







ا حشوة الزعتر

عبارة عن شوية زعتر مخلوطين بزيت زيتون وبتتحط على العجين من فوق وتتخبز




الفلافل المحشية بالكيري

انا عملت عجينة فلافل قبل كده هنا في موضوع
وحشتها بالكيري ممكن تحشيها بسطرمة او تستغني عن الحشو خالص

قطعت مربع الكيري على 4 اجزاء وحشيت الفلافل


وده شكلها بعد القلي




حشوة الفول

عبارة عن طبق فول عادي جدا بالطريقة اللي بحبها

حطيت علبة فول عليها ليمون وكمون وطحينة وملح وفلفل اخضر وهرسته كويس


اوممكن نعمل فول بالتوم والطماطم
نقلي توم وعليه طماطم وفلفل مكعبات وبعدين نضيف الفول





حشوة جبنة الكرافت


لحشوة الجبنة جبت علبة جبنة كرافت وبيضتين مسلوقين وباردين وشوية زيتون اخضر وفلفل اسود وفرمتهم مع بعض في الكبة

كارف


حشوة اللحمة المعصجة بالقرفة

عملت عصاج لحمة عادي وزودت علي
ه نص معلقة قرفة صغيرة



حشوة الفراخ بالخضار


طريقتها

شوحت بصلة وشوية زنجبيل مفروم في شوية زيت







ضفت عليها ربع كيلو فراخ بانية بعد ما فرمتها في الكبة







وضفت بهارات( كركم وكاري وبابريكا وفلفل اسود وملح وشطة )







ضفت نص كيس بسلة بالجزر وشوية مية وسبتهم لحد ما استوت









حشوة الجمبري







الطريقة

شوحت بصل وتوم وزنجبيل مفرومين في شوية زيت







ضفت الجزر المقطع







ضفت فلفل اخضر واحمر مقطع







ضفت الجمبري وبشر ليمونة وعصيرها وبهارات سمك وكمون وملح

وفضلت اقلب لحد ما شربت كل المية واستوت






حشوة التمر




جبت تمر مفروم جاهز نوع اسمه تاج التمور

او ممكن تجيبي التمر وتفرميه في البيت عشان يكون مضمون انو خالي من الجلوتين

عجنته بحتة زبدة وشوية قرفة وعملته صوابع ممكن نحشي بيه فطاير او عيش او قطايف خاليين من الجلوتين



افكار لحشوات اخرى بدون صور



سبانخ مقطعة خشن مع بصل وسماق ولمون



تونة بالمايونيز



فراخ مسلوقة ومفرومة ومخلوطة مع كيري او مايونيز وفلفل اسود



لحمة عصاج ومعاها بسلة وجزر وكركم وفلفل اسود



شيكولاتة نوتلا وبندق محمص



جبنة قريش او بيضاء مخلوطة مع نعناع ناشف وريحان وممكن بقدونس وكمون وشطة







والى اللقاء في وصفات قادمة

ان شاء الله
















الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: •·.·`¯°·.·•(استعدادات لشهر رمضان وخالية من الجلوتين)•·.·°¯`·.·•    الأربعاء 20 يوليو 2011, 10:33

موضوووووع بجددددددد اكثررررررررر من راااااااااااائع

ايه الجمال ده
تسلم ايديكى يا ملوكة
كل سنة وانت طيبة

ربنا يبارك فيكى يا ملوكة و ما يحرمنا منك
و يجعلك سباقة بالخير cheers
الرجوع الى أعلى الصفحة اذهب الى الأسفل
http://gluten-free.forumegypt.net
lailame



عدد المساهمات : 4
تاريخ التسجيل : 20/06/2011

مُساهمةموضوع: رد: •·.·`¯°·.·•(استعدادات لشهر رمضان وخالية من الجلوتين)•·.·°¯`·.·•    الخميس 28 يوليو 2011, 13:04

Thank you so much for this effort, a lot of great ideas
الرجوع الى أعلى الصفحة اذهب الى الأسفل
وردشان
Admin
avatar

عدد المساهمات : 206
تاريخ التسجيل : 15/05/2011

مُساهمةموضوع: رد: •·.·`¯°·.·•(استعدادات لشهر رمضان وخالية من الجلوتين)•·.·°¯`·.·•    الثلاثاء 03 يوليو 2012, 21:07

و انت بألف صحة و سلامة انتى و اسرتك

كل اللى بتعمليه يا ملوكة بيعجبنى
بصدق و الله ربنا يبارك فيكى
الرجوع الى أعلى الصفحة اذهب الى الأسفل
http://gluten-free.forumegypt.net
 
•·.·`¯°·.·•(استعدادات لشهر رمضان وخالية من الجلوتين)•·.·°¯`·.·•
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
خالي من الجلوتين السلياك وحساسية القمح فى مصر Celiac gluten free Egypt :: معجنات، مخبوزات، أطباق مجربة من الأعضاء المميزين و ناجحة 100% :: معجنات، مخبوزات، أطباق صديقتنا ملوكة...جزاها الله خيرا-
انتقل الى: