خالي من الجلوتين السلياك وحساسية القمح فى مصر Celiac gluten free Egypt
أهلا وسهلا! سعداء جدا بزيارتك!

شاطر
اذهب الى الأسفل
manoona
Admin
Admin
عدد المساهمات : 216
تاريخ التسجيل : 17/05/2011

البروفيترول الخالية من الجلوتين

في الخميس 30 يونيو 2011, 22:25





طريقة عمل البروفيترول تتكون من 3 مراحل و هى عجينة الشو و كاسترد الفانيليا للحشو و صوص الشيكولاتة

اولا عجينة الشو: ( يكفى مقدار عجينة الشو لعمل من 35- 40 قطعة حسب الحجم )

المقادير :

1/3 cup دقيق ذرة
1/3 cup دقيق التابيوكا
1/3 cup دقيق ارز
1/4 cup نشا بطاطس
100 جم زبدة
1 cup ماء
2 م ص سكر
¼ م ص ملح
4 بيضة صغيرة
1 م ص فانيليا





طريقة الشو:

يوضع الماء مع الزبدة و الملح و السكر على النار حتى تذوب الزبدة
وبمجرد الغليان ترفع من على النار
يضاف الدقيق كله دفعة واحدة و يقلب جيدا بملعقة خشب حتى يلم و يصبح كالكرة
يعاد على نار هادئة مع التقليب لمدة دقيقتين فقط ثم يرفع من على النار
يترك الخليط لتهدأ حرارته قليلا
يوضع الخليط فى العجان الكهربائى و تضاف بيضة و يضرب بالمضرب الكف و عندما يتشرب الخليط تضاف بيضة اخرى و هكذا حتى ينتهى مقدار البيض و مع اخر بيضة تضاف الفانيليا
يوضع الخليط فى كيس حلويات به قمع سادة
يعمل كرات صغيرة فى حجم الليمونة الصغيرة من الخليط على صاج مبطن بورق خبيز
توضع فى فرن متوسط الحرارة سبق تسخينه حتى ترتفع و عندما تبدا فى الاحمرار نطفئ الفرن وتترك فى الفرن لمدة 5 دقائق حتى تحمر جيدا و تهدأ حرارتها (و فائدة هذه الخطوة ان نحافظ على ارتفاعها و لاتهبط )

مقادير كاسترد الحشو : ( يمكن حشوها بالكريم شانتيه الابيض او الشيكولاتة بدل الكاسترد )

1 cup لبن
1 بيضة
1/4 cup سكر
½ م ص فانيليا
½ 1 م ك دقيق ارز

طريقة الكاسترد :

يضرب البيض مع السكر جيدا
يضاف دقيق الارز و يضرب جيدا
يضاف 1/4 cup من مقدار اللبن البارد على خليط البيض
يغلى باقى مقدار اللبن ( ¾ cup )
يوضع اللبن المغلى على خليط البيض مع التقليب الجيد ثم يوضع كل المقدار فى اناء عل النار و يترك على نار هادئة مع التقليب المستمر بمضرب سلك حتى يصبح الخليط سميك
يرفع من على النار و يوضع فى اناء اخر و يغطى جيدا حتى لا تتكون قشرة على السطح و يترك حتى يبرد

مقادير صوص الشيكولاتة : ( يمكن استعما ل اى وصفة صوص شيكولاتة و ليس بالضرورى هذه الوصفة)

450 جم شيكولاتة مطبخ
¼ 2 cup لبن
50 جم زبدة
1 م ك عسل ابيض
¼ cup سكر ( يمكن الاستغناء عنه )
cup ¼ لبن + 2 م ك كورن فلاور

طريقة صوص الشيكولاتة:

توضع جميع المقادير على نار هادئة حتى تذوب ( ما عدا مقدار اللبن الاخير مع الكورن فلاور )
يذاب الكورن فلاور فى مقداراللبن (cup ¼ ) ويضاف على خليط الشيكولاتة
يوضع على نار عالية مع التقليب المستمر لمدة دقيقتين ثم يرفع من على النار و يترك ليبرد قليلا

طريقة البروفيترول :

تشق كرة الشو من النصف و تحشى بملعقة صغيرة من الكاسترد و تكرر هذه الخطوة حتى ينتهى المقدار
يوضع الشو المحشو فى طبق التقديم
يصب فوقه صوص الشيكولاتة و يوضع فى الثلاجة حتى يبرد
يجمل بالشيكولاتة المبشورة او الكريم شانتيه

و بالهنا و الشفا Laughing


عدل سابقا من قبل manoona في الثلاثاء 16 أغسطس 2011, 00:23 عدل 1 مرات
avatar
وردشان
Admin
Admin
عدد المساهمات : 206
تاريخ التسجيل : 15/05/2011
http://gluten-free.forumegypt.net

رد: البروفيترول الخالية من الجلوتين

في الجمعة 01 يوليو 2011, 01:49
تسلم إيديكى يا منونة يا جميلة
ربنا يبارك لك اعطيتينا جميعا الامل فى التعايش مع السيلياك
دون أن نحرم أطفالنا المساكين
ربنا يشفيهم
تعرفى أنا معدليش إهتمام غير إنى أجرب وصفاتك
بقت هوااااايتى هههههههه
manoona
Admin
Admin
عدد المساهمات : 216
تاريخ التسجيل : 17/05/2011

رد: البروفيترول الخالية من الجلوتين

في الجمعة 01 يوليو 2011, 12:17

ان شاء الله يا ورد مش حيبقى نفسهم فى حاجة كل حاجة حنعملهالهم بفضل الله
الحور العين
عدد المساهمات : 57
تاريخ التسجيل : 06/06/2011

رد: البروفيترول الخالية من الجلوتين

في الجمعة 01 يوليو 2011, 13:33
والله انا مش عارفه اقوليك ايه غير الله يجعله فى ميزان حسانتيك ويجزيك خير عن ولادنا



منونه ممكن استبدل الزبده بالزيت Laughing
manoona
Admin
Admin
عدد المساهمات : 216
تاريخ التسجيل : 17/05/2011

رد: البروفيترول الخالية من الجلوتين

في السبت 02 يوليو 2011, 01:27

ينفع يا حور حطى بدل الزبدة 7 م ك زيت من الملاعق المكاييل و بالنسبة لمشكلة اللبن عشان الحساسية ممكن مش لازم تحشى الشو خالص او تعملى الكاسترد بعصير البرتقال بدل اللبن و صوص الشيكولاتة برضه استبدلى اللبن بعصير البرتقال و شيلى الزبدة اللى فى مقادير الصوص
angooga
Admin
Admin
عدد المساهمات : 54
تاريخ التسجيل : 19/05/2011

رد: البروفيترول الخالية من الجلوتين

في الأحد 03 يوليو 2011, 21:35
تسلم ايديكى يا منون ممكن أعمل عجينه الشو زى الأكلير وأحشية كاستر وأغطيه شكولاتة ؟ Smile
manoona
Admin
Admin
عدد المساهمات : 216
تاريخ التسجيل : 17/05/2011

رد: البروفيترول الخالية من الجلوتين

في الأحد 03 يوليو 2011, 22:40
ايوه ينفع يا انجوجة عجينة الشو اساس لحاجات كتير منها الاكلير و ممكن تعمليها كور و ساعة التقديم تحشيها ايس كريم فانيليا و تحطى كم واحدة فى الطبق و تحطى عليهم صوص شيكولاتة ساخن و كلى بأه بتبقى جميلة Cool
الحور العين
عدد المساهمات : 57
تاريخ التسجيل : 06/06/2011

رد: البروفيترول الخالية من الجلوتين

في الثلاثاء 05 يوليو 2011, 10:07
دينا انا بدور عليكى عايزه اعرف القمع الى انتى عامله بيه هو الى فى الصوره ولا واحد تانى Very Happy
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى